Nga tullat te apartamentet: si funksionon biznesi pas ndërtimit

Episodi 22 · I ftuar: Ilda Baraj / CEO - K.I.D-ALB sh.p.k · Autor: Alfred Peza

Në këtë episod të Pjaca Podcast, Alfred Peza bisedon me Ilda Barajn për rrugëtimin e saj nga biznesi familjar i prodhimit të tullave te tregu i pasurive të paluajtshme. Ajo rrëfen mësimet e marra nga i ati, Asllan Baraj, përgjegjësinë e kalimit të biznesit te brezi i dytë dhe një nga goditjet më të rënda të familjes: zjarrin që, sipas saj, shkatërroi mbi 5 milionë euro investim në vetëm 17 minuta. Biseda zbërthen lidhjen mes fabrikës, ndërtuesve dhe apartamenteve që merren në këmbim të furnizimeve, duke trajtuar edhe rreziqet që kjo mënyrë pagese krijon për likuiditetin. Ilda ndan përvojën e saj me investimet në prona, rëndësinë e qirasë dhe kthimit të investimit, perspektivën e zonës dhe gabimet e blerjeve emocionale. Episodi ndalet gjithashtu te riinvestimi në teknologji, toka dhe agroturizëm, si pjesë e vizionit të familjes për vazhdimësinë e biznesit.